Pande CupNYUMBANIHABARIRATIBAWACHEZAJIPANDE CUP TVWADHAMINIKUTUHUSUTIMUTUZODUKA SAJILI TIMU
Rudi Nyumbani
Pande Cup

Ligi Moja, Upendo Mmoja, Vumbi Moja

USAJILI WA TIMU

Msimu wa 2026

SOMA KWA MAKINI NA UZINGATIVU KABLA YA KUSAJILI TIMU YAKO

Karibu kwenye Pande Cup 2026. Sisi ni mapinduzi ya soka la mchangani (Digital Grassroots Football). Ili kuhakikisha ligi inakuwa ya haki, yenye mvuto, na inakamilika ndani ya MWEZI MMOJA kama ilivyopangwa, sheria hizi hazipindishwi. Kwa kubonyeza "Ninakubali" chini ya ukurasa huu, wewe na timu yako mnajiingiza kwenye mkataba na Kamati ya Pande Cup.

1. USAJILI NI "KIDIJITALI" 100% (Sheria ya Picha na Data)

Usajili wote unafanyika kupitia www.pandecup.co.tz. Hakuna usajili wa makaratasi, na hakuna usajili uwanjani.

  • Mwongozo wa Picha (MUHIMU SANA): Mfumo wetu unatengeneza "Kadi za Wachezaji" (Player Cards). Ili mchezaji akubaliwe: Picha lazima iwe ya kifuani kwenda juu (Portrait/Passport size), sura ionekane wazi kabisa bila miwani ya giza.
  • Jezi: Inashauriwa sana mchezaji/kocha apige picha akiwa amevaa jezi ya timu, na rangi iendane na jezi mtakayotumia uwanjani ili kuleta muonekano wa kiprofessional kwenye tovuti.
  • Picha ya Kocha/Meneja: Ni lazima kiongozi wa benchi la ufundi aweke picha yake kwenye mfumo (Hatua ya Kwanza).
  • Ujanja-Ujanja Marufuku: Sura yako ndio ID yako. Haruhusiwi mchezaji kuingia uwanjani kama hayuko kwenye mfumo. Ukileta mchezaji "mamluki", timu inafutwa mashindanoni hapo hapo.

2. NIDHAMU YA MUDA (Dakika 15 Tu!)

Muda ni Pesa. Hatuna muda wa kupoteza, ligi hii imeundwa kumalizika ndani ya mwezi mmoja.

  • Muda Kamili: Mechi itaanza saa kamili kama inavyoonekana kwenye ratiba ya tovuti.
  • Dakika za Nyama (Walkover): Ukichelewa kwa dakika 15 baada ya filimbi ya kuanza, timu yako imekula Walkover. Pointi 3 na magoli 2 yanaenda kwa mpinzani wako.
  • Hakuna Kiporo: Mechi haiahirishwi kienyeji. Ukishindwa kutokea uwanjani, umeyataka na timu yako itapoteza ada ya usajili.

3. FORMAT YA MECHI (Dakika 90 za Kazi)

Tunataka soka la kasi na la kuvutia kwa ajili ya mashabiki na Live Stream.

  • Muda wa Mchezo: Dakika 45 kwa kila kipindi. Mapumziko ni dakika 10.
  • Substitutions: Unaruhusiwa kubadili wachezaji 5 ili kuongeza nguvu na kulinda afya za wachezaji.

4. NIDHAMU, USALAMA, NA ULINZI SHIRIKISHI

Pande Cup ni upendo na burudani. Hatuvumilii uhuni wa aina yoyote.

  • Kadi ni Gharama: Kadi 2 za njano (kwa mechi tofauti za hatua ya makundi) zinakufanya ukose mechi 1. Kadi nyekundu ya moja kwa moja inakufanya ukose mechi 2 au kufungiwa mashindano mazima kulingana na uzito wa kosa.
  • Zero Tolerance kwa Fujo: Ukileta fujo, kumpiga mwamuzi, au kuanzisha mapigano, wewe na timu yako mnayaaga mashindano papo hapo.
  • Ulinzi Shirikishi Upo Kazini: Kamati inashirikiana bega kwa bega na Ulinzi Shirikishi wa Mtaa. Mtu yeyote atakayefanya vurugu atachukuliwa hatua kali za kisheria na kukabidhiwa Polisi mara moja.